ਆਈਫੋਨ 18 ਖਰੀਦਣ ਲਈ ਦੀਵਾਨਗੀ

ਨਵੀਂ ਦਿੱਲੀ: ਆਈਫੋਨ 18 ਪ੍ਰੋ ਅਤੇ ਆਈਫੋਨ 18 ਪ੍ਰੋ ਮੈਕਸ ਦੀ ਵਿਕਰੀ ਸ਼ੁਰੂ ਹੋਣ ਤੋਂ ਪਹਿਲਾਂ ਹੀ ਦਿੱਲੀ, ਮੁੰਬਈ ਅਤੇ ਬੈਂਗਲੁਰੂ ਦੇ ਐਪਲ ਸਟੋਰਾਂ ਦੇ ਬਾਹਰ ਲੋਕਾਂ ਦੀ ਭਾਰੀ ਭੀੜ ਇਕੱਠੀ ਹੋ ਗਈ। ਕਈ ਗਾਹਕ ਰਾਤ ਤੋਂ ਹੀ ਕਤਾਰਾਂ ਵਿੱਚ ਖੜ੍ਹੇ ਹਨ ਅਤੇ ਨਵੇਂ ਮਾਡਲ ਨੂੰ ਸਭ ਤੋਂ ਪਹਿਲਾਂ ਖਰੀਦਣ ਦੀ ਉਡੀਕ ਕਰ ਰਹੇ ਹਨ।

ਦਿੱਲੀ ਦੇ ਸਾਕੇਤ ਸਥਿਤ ਸਿਲੈਕਟ ਸਿਟੀਵਾਕ ਮਾਲ ਦੇ ਐਪਲ ਸਟੋਰ ਦੇ ਬਾਹਰ ਸਵੇਰੇ ਤੜਕੇ ਤੋਂ ਹੀ ਲੋਕਾਂ ਦੀ ਭੀੜ ਇਕੱਠੀ ਹੋਣੀ ਸ਼ੁਰੂ ਹੋ ਗਈ। ਇੱਕ ਗਾਹਕ ਅਜੈ ਨੇ ਦੱਸਿਆ ਕਿ ਉਸ ਨੇ 18 ਪ੍ਰੋ ਮੈਕਸ ਦਾ 1 ਟੀਬੀ ਮਾਡਲ ਪਹਿਲਾਂ ਹੀ ਪ੍ਰੀ-ਬੁੱਕ ਕਰਵਾ ਰੱਖਿਆ ਹੈ ਅਤੇ ਉਹ ਇਸ ਨੂੰ ਸਭ ਤੋਂ ਪਹਿਲਾਂ ਲੈਣ ਲਈ ਉਡੀਕ ਕਰ ਰਿਹਾ ਹੈ। ਫਿਲਹਾਲ ਉਹ ਆਈਫੋਨ 17 ਪ੍ਰੋ ਦੀ ਵਰਤੋਂ ਕਰ ਰਿਹਾ ਹੈ ਅਤੇ ਨਵੇਂ ਫੀਚਰਜ਼ ਦੀ ਉਡੀਕ ਕਰ ਰਿਹਾ ਹੈ।ਇੱਕ ਹੋਰ ਗਾਹਕ ਸੂਰਜ ਚੌਹਾਨ, ਜੋ ਯੂਟਿਊਬ ’ਤੇ ਟੈਕ ਰਿਵਿਊ ਚੈਨਲ ਚਲਾਉਂਦੇ ਹਨ, ਨੇ ਕਿਹਾ, “ਮੇਰਾ ਯੂਟਿਊਬ ਚੈਨਲ ਸੂਰਜ ਚੌਹਾਨ ਦੇ ਨਾਮ ਨਾਲ ਹੈ। ਮੈਨੂੰ ਫੋਨ ਵਿੱਚ ਕਾਫ਼ੀ ਦਿਲਚਸਪੀ ਹੈ। ਪਿਛਲੀ ਵਾਰ ਮੈਂ 17 ਪ੍ਰੋ ਖਰੀਦਿਆ ਸੀ ਅਤੇ ਇਸ ਵਾਰ 18 ਪ੍ਰੋ ਮੈਕਸ ਲੈਣ ਆਇਆ ਹਾਂ। ਕਈ ਲੋਕ ਇਸ ਦਾ ਇੰਤਜ਼ਾਰ ਕਰ ਰਹੇ ਹਨ। ਕੈਮਰੇ ਅਤੇ ਕੁਆਲਿਟੀ ਵਿੱਚ ਸੁਧਾਰ ਹੋਣਾ ਚਾਹੀਦਾ ਹੈ।”ਮੁੰਬਈ ਵਿੱਚ ਇੱਕ ਗਾਹਕ ਨੇ ਕਿਹਾ, “ਅਸੀਂ ਪੂਰੀ ਰਾਤ ਇੱਥੇ ਖੜ੍ਹੇ ਰਹੇ ਹਾਂ। ਅਸੀਂ ਬਹੁਤ ਉਤਸ਼ਾਹਿਤ ਹਾਂ। ਸਾਡੇ ਕੋਲ ਬਾਰਕੋਡ ਨਹੀਂ ਹੈ, ਫਿਰ ਵੀ ਅਸੀਂ ਲਾਈਨ ਵਿੱਚ ਖੜ੍ਹੇ ਹਾਂ।”

ਉੱਥੇ ਹੀ ਨਾਸਿਕ ਤੋਂ ਆਏ ਗਾਹਕ ਹਿਤੇਸ਼ ਪਟੇਲ ਨੇ ਕਿਹਾ, “ਮੈਂ ਨਾਸਿਕ ਤੋਂ ਇੱਥੇ ਆਇਆ ਹਾਂ। ਅਸੀਂ ਕੱਲ੍ਹ ਰਾਤ 10 ਵਜੇ ਤੋਂ ਲਾਈਨ ਵਿੱਚ ਲੱਗੇ ਹੋਏ ਹਾਂ। ਮੈਨੂੰ ਸਵੇਰੇ 8 ਵਜੇ ਦਾ ਪਹਿਲਾ ਸਲਾਟ ਮਿਲਿਆ ਹੈ। ਇਸ ਤੋਂ ਬਾਅਦ ਸਾਨੂੰ ਆਪਣਾ ਪ੍ਰੋਡਕਟ ਮਿਲ ਜਾਵੇਗਾ। ਮੈਂ ਹਰ ਸਾਲ ਆਪਣਾ ਮੋਬਾਈਲ ਬਦਲਦਾ ਹਾਂ। ਇਸ ਸਮੇਂ ਮੇਰੇ ਕੋਲ 17 ਪ੍ਰੋ ਮੈਕਸ ਹੈ ਅਤੇ ਹੁਣ ਮੈਂ 18 ਪ੍ਰੋ ਮੈਕਸ ਲੈਣ ਜਾ ਰਿਹਾ ਹਾਂ।”